قصة ليلى الحمرا في الاردني ههههه..

كانت ليلى بتتبرطع ورا الدار لما سمعت أمها في الحوش بتنادي عليها:"ليلاااا! تعي جاي!"
أجت ليلى وقالت ليها:"ويش أدّك يما؟"
قالت أمها:"خذي هاللّبنات وديهن لجّدتكي تمرسهن عشان ودنا نطبخ منسف بكرى"
ردت ليلى:"حاظر يما".
أخذت ليلى اللبنات بالسلة وبدت تمشي وهي تهيجن، وما في شوي ولا ليلى بتسمع صوت بقول ليها:"قوكي يا خيّة!"
اتطلعت وقالت:"قويت، بس منو إنت؟"
قال ليها:"أنا، ويش أدكي فيني، وين موجها؟"
قالت ليه:"عند جدتي"
فكر شوي وقال ليها:"هانا أقرب ليكي من الطريق تبعتكي، شو رايكي تيجي من هانا معاي؟"
قالتله:"روح يا رجل فكني من شرك وامشي من قدامي احسن لأصمتك بزعموط اللبن أجيبك أرض"
قاللها:"يا بنت الأوادم، هاي الطريق بتوصل أسرع لجدتكي، ردي علّي وخلينا نطيح من هان أقرب لينا"
قالتله:"اسمع ترى منا شايفه الظو، إقلب وجهك!"
ولما شاف التشلب انو ليلى معّيه ترد عليه راح ركاظ من طريق قريبة وسبق ليلى على بيت الجدة.
وصل ودفش الباب بإجره ودخل، قالت الجدة(بخوف واستغراب):"منو هاظا؟!"
لفت وجها ولما شافت التشلب، قالت ليه:"البين يطسك خزعتني، وشو اللي جابك يا مسخم؟"
قاللها التشلب:"مالك انطبزتي؟ هو انشبي عاد واسكتي!" نط عليها ودملها بين اللحف وحشاها بلخزانة!
لبس التشلب ثوب الجدة ونام مطرحها.
وما شوي ولا ليلى بتدق الباب.
وقال التشلب(بصوت الجدة):"افتح الباب وفوت!"
فتحت ليلى الباب وقالت:"هاذي أنا يا جدة!"
قال التشلب:"اقربي جاي! أنا تلفانه، مني قادرة أقوم!"
قربت ليلى عند الجدة وهي متعجبة وقالتلها:"شايفيتك كايسة! شو مال صوتك مبحوح؟"
قال التشلب بصوت الجدة:"أيوا يا جدة، امبارح نمت متكشفة!
قالت ليلى:"هاي فهمتها، بس لويه أذانكي كبار؟"
جاوب التشلب وقال:"عشان اسمعكي مليح"
قالت ليلى:"اه اه اه، طب وعلام عيونكي،كبرانات؟"
قال التشلب:"عشان اشوفكي كويس، مهو الكبر عبر يا ميمة"
قالت ليلى:"سالامتكي يا جدة، بس لويه لاوية زقمك كبير هيه؟"
قال التشلب"عشان ازلطك فيه!" ونط التشلب على ليلى وبدو يوكلها!!!
صرخت ليلى على طول صوتها:"ويليييي، يا غبصة يا حزينة!!!ساعدوووني....!!!"
ولحسن حظ ليلى كان أبوها قريب في السيل بتصيّد، ولما سمع صراخها: "ساعدوني ساعدوني!"
تناول البارودة وراح ركاظ على بيت الجدة!
شاف التشلب ناط على ليلى بدو يوكلها، هو شاف هيك طار ظبان عقله،ويهكّه دمسه عفرخ الهام وإنه مجحّظ.
بعدين راح لا ليلى وطلعوا الجدة من الخزانة!
وثاني يوم طبخوا مناسف وشربوا لبن وسمن وعاشوا مبسوطين
احلى عالم

ههههههههههههههههههههه
يسلمو عناية على القصة الحوة
تحياتي

العفوا
شكرا على مرورك الحلو
تحياتي

والله عنجد الاردنين نكشه
شكرا على مرورك الحلو
تحياتي